تسلم اخويه على الكلمات ^_^
وانا يبت كلمات قصيدة ][®][^][®][التمثال][®][^][®][ لحامد زيد
عفا الله عن خطا غدر الخناجر والضلـوع ابطـال
بسامح واتركـك تحـت الظـلام الحالـك لحالـك
دخيلك وفر دموعـك تـرى هـدر الدمـوع اذلال
وترى ما فيه احد يصبر مثـل صبـري بغربالـك
انا عيب علي أنقـض كلامـي والرجـال افعـال
واذا قلت اقطـع احبالـك ترانـي بقطـع حبالـك
عشان اكسب هدب عينك تجرعت العذاب اشكـال
وليتـك تـرأف بحالـي علشـان ارأف بحـالـك
مسوي في حياتـي شـي مـا يذكـر ولا ينقـال
حشا حتى العدو وهو العـدو مـا يعمـل اعمالـك
تمسيني علـى الهـم وتصبحنـي علـى الغربـال
تقلطنـي فناجيلـك وتقصـر عـنـي ادلالــك
تحملت التعب لجلـك وانـا حملـي يهـد جبـال
رحلت من العذاب ومـا وقفـت الا علـى جالـك
علامك كل ما جيـك متواضـع جيتنـي تختـال؟
معاك اليا متي بصبر وصبـري معـك يحلالـك؟
مثل ما اقبلت لعيونـك لـزوم تلـد لـي باقبـال
ومثل ما قد حشمتك حس واحشم قلبي اشوى لـك
أنـا محـدن بجابرنـي أسايـر معـك هالمنـوال
ترى لاني تبيـع لـك ولا نـي باصغـر عيالـك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيـك وابقـى لـك
أنا جيت بظما عاشق تعب يطـرد سـراب الـلال
أنا جيت استفز رضاك مـن فرقـاك والجـا لـك
أنا ما همت بك عاقل أنا كنـت اعشقـك بخبـال
أنا ما كنت احبك حي أنـا كنـت اعشقـك هالـك
تخيل من كثر ما اخـاف تلقـى للزعـل مدخـال
أخاف اخطي على طيفك وادوس برجلـي ظلالـك
تبعتك والعـرب تتبـع رعـود البـارق الهمـال
وانا شفت المطر يتبعـك فـي حلـك وترحالـك
كأن اللي خلق حسنك خلقني مـع جسـدك ظـلال
وصرت اقرب جسد يمشي معك باقفـاك واقبالـك
أبـي قلبـك يحـس انـه فقـد بمحبتـه رجـال
ملكته من هدب عين وخسـرت رضـاه باهمالـك
صحيح ان الفراق اقسى ولكـن الوصـال محـال
أنا صعبن علي أرضي غرورك واضعـف قبالـك
بعد مـا حققـت عينـي فبعـدك للرقـاد امـال
أعود للسهر؟ -- يا خـوي فـال الله ولا فالـك!
ببدل نظرتك فيني واجي لـك كـل يـوم بحـال
بكون اقرب مـن ثيابـك عليـك ولا تهيـا لـك
بالمك وانثرك واجمعك وارجع وانثـرك باهمـال
بخونك وازعلك وارضيك وازعل منك وارضى لك
أبرسم بالثرى وجهك وابدفـن صورتـك برمـال
أبشكي للعـرب فرقـاك واضحـك عنـد عذالـك
أبهديك الوصال فراق واهديـك الفـراق وصـال
بسوي مثل مـا شوفـك تسـوي وافعـل افعالـك
عشان تعرف من فينا الزعول ومن وسيـع البـال
أبيـك تـذوق فنجالـي وانـا بـذوق فنجـالـك
نصيحة واحتفظ فيها قصر معك الزمـن أو طـال
أبي تسمع كلامـي زيـن وتحطـه علـى بالـك
اذا حبك هبال اطفال لـك عنـدي هبـال اطفـال
ولا --- وابشر بعد بهبال حب مـا هـو بهبالـك
واذا قصدك تهين اسمي عشـان تشمـت العـذال
ترى لا انته ولا غيرك --- ولا عشرة من اشكالك
الأربعاء نوفمبر 05, 2008 4:13 am